నా ఇ౦టి వ౦ట
Saturday 3 November 2018
సైనసైటిస్
రక్తహీనత
Tuesday 15 May 2018
బూడిదగుమ్మడికాయ బరడా
1/2 కిలో గుమ్మడి కాయ ముక్కలు పెద్ద సైజ్
100 gm పెసర పప్పు
100gm శనగ పప్పు
20gm జీలకర్ర
కొంచం ఇంగువ
ఉప్పు కారం పసుపు దన్యాల పొడి తగినంత
2 పెద్ద నిమ్మ కాయలు
150ml నూనె
తయారీ
మొదలు గుమ్మడి కాయ ముక్కలు పెద్ద సైజ్ అనగా కనీసం 2 inch ఉండేలా తరగాలి . పెసర పప్పు శనగ పప్పు జీలకర్ర ఇంగువ కలిపి మిక్సి లో రవ్వలాగా ఆడించాలి .అదే బరడా. బాణాలి లో కాస్త నూనె వేసి ఆవాలు జీలకర్ర వేగిన తరువాత గుమ్మడి ముక్కలు వేసి రెండు గ్లాసుల నీళ్ళు పోసి ముక్కలకు తగినంత కారం పసుపు ధన్యాల పొడి ఉప్పు వేసి 10 నిముషాలు ముక్క కాస్త మెత్తబడే వరకు ఉంచాలి . ఈ బరడా లో తగినంత కారం ఉప్పు కాస్త నూనె వేసి కలిపి ఉడుకుతున్న ముక్కల్లో కలపాలి రెండు కలిపి ఇంకొక పది నిముషాలు ఉడికించాలి .ఇప్పుడు రెండు నిమ్మకాయలు కూరలో పిండేసి కలిపి మూత పెట్టండి . అంతే కనీ వినీ ఎరుగని కమ్మని గుమ్మడి కాయ కూర రెడీ .
Thursday 3 May 2018
గుమ్మడి వడియాలు
కావలసినవి:
బూడిద గుమ్మడికాయ - చిన్నది ఒకటి
మినప్పప్పు - అర కేజీ
పచ్చిమిర్చి - 150గ్రా.
ఇంగువ - కొద్దిగా
ఉప్పు - తగినంత
బూడిద గుమ్మడి కాయ మీద ఉండే బూడిదను శుభ్రంగా బట్టతో తుడిచేయాలి. ముందురోజే కాయను చిన్న చిన్న ముక్కలుగా తరగాలి. ఉప్పు కలిపిన ముక్కల్ని పలుచని బట్టలో వేసి మూటలా కట్టాలి. ఈ మూటను ఎత్తుగా ఉండే పీటమీద పెట్టి దానిమీద పెద్ద బరువు ఉంచాలి. అలా చేయడం వల్ల ముక్కల్లోని నీరంతా బయటకు వచ్చేస్తుంది. ముందు రోజు రాత్రే నానబెట్టిన మినప్పప్పుని గారెల పిండిలా గట్టిగా రుబ్బాలి. ఈ మినప్పిండిలో నీరు పిండిన ముక్కలు, ఉప్పు, ఇంగువ కలుపుకుని ఎండలో బట్టమీద కావలసిన సైజులో వదియాలుగా పెట్టుకోవాలి. రెండు మూడూ రోజులు మంచి ఎండలో ఎండిన తరువాత ఒలిచి మరోసారి తిరగేసి వదియాల్ని ఆరబెట్టి డబ్బాలో పెడితే సంవత్సరమంతా నిల్వ ఉంటాయి. ముక్కలుగా ఇష్టం లేని వారు గుమ్మడికాయను తురుముకోవచ్చు. తురుముతో అయితే పెద్ద వడియాలు కాకుండా చిట్టి వడియాలుగా పెట్టుకుంటే బాగుంటాయి.